KIMONO TIPIDAGI KIYIMLARNI O‘ZBEK MILLIY MATOLARI ASOSIDA ZAMONAVIY DIZAYNDA KONSTRUKSIYALASH VA TEXNOLOGIK ISHLAB CHIQISH

Аннотация

Ushbu maqolada kimono tipidagi kiyimlarni o‘zbek milliy matolari asosida zamonaviy dizaynda konstruksiyalash va texnologik ishlab chiqish masalalari yoritilgan. Tadqiqot davomida atlas, adras va bekasam matolarining fizik-mexanik hamda estetik xususiyatlari o‘rganilib, ular kimono shaklidagi liboslar uchun eng maqbul variant sifatida tahlil qilingan. Kiyim konstruksiyasi o‘zbek ayollarining antropometrik o‘lchamlariga moslashtirilgan bo‘lib, ergonomik qulaylik, estetik uyg‘unlik va texnologik samaradorlik tamoyillariga asoslangan. Tadqiqot natijasida o‘zbek milliy matolari asosida yaratilgan namunaviy kimono libosi ishlab chiqildi va amaliy sinovlardan o‘tkazildi. Natijalar shuni ko‘rsatdiki, milliy matolarni zamonaviy dizayn yechimlari bilan uyg‘unlashtirish nafaqat estetik jihatdan, balki amaliy foydalanish nuqtai nazaridan ham ijobiy natijalar beradi. Maqola kiyim dizayni, yengil sanoat texnologiyasi hamda milliy madaniy merosni saqlash sohalarida qo‘llash uchun ilmiy va amaliy ahamiyatga ega.